കോഴിക്കോട്: സംസ്ഥാനത്ത് വ്യാപാരി വ്യവസായി ഏകോപന സമിതിയുടെ നേതൃത്വത്തില് വ്യാഴാഴ്ച നടത്താനിരുന്ന കട തുറന്നുള്ള സമരം മാറ്റിവെച്ചു. സംസ്ഥാന പ്രസിഡന്റ് ടി.നസറുദ്ദീനെ മുഖ്യമന്ത്രി നേരിട്ട് വിളിച്ച് ആവശ്യപ്പെട്ടതിന്റെ അടിസ്ഥാനത്തിലാണ് സമരം മാറ്റിയത്. വെള്ളിയാഴ്ച മുഖ്യമന്ത്രിയുമായി നടത്തുന്ന ചര്ച്ചയ്ക്ക് ശേഷം ഭാവി പരിപാടികള് തീരുമാനിക്കുമെന്ന് ബന്ധപ്പെട്ടവര് അറിയിച്ചു.
ലോക്ഡൗണ് അനിശ്ചിതമായി നീണ്ടുപോവുന്നതിലും വ്യാപാരികള്ക്ക് സഹായം ലഭിക്കാത്തതിലും പ്രതിഷേധിച്ചാണ് കടതുറന്നിട്ട് സമരം ചെയ്യുമെന്ന് വ്യാപാരി വ്യവസായി ഏകോപന സമിതി അറിയിച്ചത്.
എല്ലാ കടകളും തുറന്ന് പ്രവര്ത്തിക്കുക എന്ന ആവശ്യം അംഗീകരിക്കാന് കഴിയില്ലെന്നായിരുന്നു ഇന്നലെ മുഖ്യമന്ത്രി പറഞ്ഞത്. ഇന്നു രാവിലെ കലക്ടറുടെ നേതൃത്വത്തില് നടന്ന ചര്ച്ചയിലും കട തുറക്കുന്നതില്നിന്നു പിന്നോട്ടില്ലെന്നാണു വ്യാപാരികള് നിലപാടെടുത്തിരുന്നത്. എന്നാല് മുഖ്യമന്ത്രി നേരിട്ടു വിളിച്ച് പ്രശ്നങ്ങള് കേട്ട് പരിഹാരത്തിനു ശ്രമിക്കാമെന്ന് ഉറപ്പു നല്കിയ സാഹചര്യത്തില് സമരത്തില്നിന്നു പിന്മാറുകയാണെന്ന് നേതാക്കള് വ്യക്തമാക്കി.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !