മലപ്പുറം: ആമസോണ് വ്യൂപോയന്റ് കാണാന് മലകയറിയ സംഘത്തിലെ രണ്ടു പേര് കൊക്കയില് വീണു. അപകടത്തില് ഒരാള് മരിച്ചു. ഞായറാഴ്ച വൈകുന്നേരം അഞ്ചരയോടെയായിരുന്നു അപകടം ഉണ്ടായത്. മലപ്പുറം ചെറുകുളമ്ബിലെ തോട്ടോളി ലത്തീഫിന്റെ മകന് റഹ്മാനാണ് (19) മരിച്ചത്.
കൊളപ്പാടന് മലയിലെ മൂന്നുകല്ലിനടുത്ത ആമസോണ് വ്യൂ പോയിന്റിന് പോകുന്ന വഴി ഏലന്കല്ലില് വെച്ചാണ് അപകടം. എട്ടംഗസംഘമായിരുന്നു ആമസോണ് വ്യൂയന്റ് കാണാന് എത്തിയത്. റഹ്മാനും കൂട്ടുകാരന് മലപ്പുറം സ്വദേശി ദില്കുഷും പാറയില് നിന്ന് വഴുതി വീണതായി പറയുന്നു.
ദില്കുഷിനെ കൂടെയുണ്ടായിരുന്ന അക്ഷയ് രക്ഷപ്പെടുത്തി. തുടര്ന്ന് റഹ്മാനെയും അക്ഷയ് രക്ഷപ്പെടുത്താന് ശ്രമിച്ചു. ഇതിനിടെ രണ്ടു പേരും താഴേക്ക് വീഴുകയായിരുന്നു.
അഗ്നി രക്ഷാ സേനയും പൊലീസും നാട്ടുകാരും നടത്തിയ തിരിച്ചിലില് രാത്രി ഏഴരയോടെ ഇരുവരേയും കണ്ടെത്തി എടവണ്ണയിലെ സ്വകാര്യ ആശുപത്രിയിലെത്തിച്ചെങ്കിലും റഹ്മാനെ രക്ഷിക്കാനായില്ല.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !