സംസ്ഥാന സാക്ഷരതാ മിഷന്‍ നടപ്പാക്കുന്ന പഠന ലിഖ്‌നാ അഭിയാന്‍ പദ്ധതി ഒന്നാംഘട്ട സാക്ഷരത പ്രവര്‍ത്തനം നടപ്പാക്കിയതു പോലെ ജനകീയമായി നടപ്പാക്കുമെന്ന് സംസ്ഥാന സാക്ഷരതാ മിഷന്‍ ഡയറക്ടര്‍ ഡോ.പി.എസ്.ശ്രീകല പറഞ്ഞു. പദ്ധതിയുടെ ഭാഗമായി താനൂര്‍ ഗവ: കോളജ് എന്‍.എസ്. എസ് സപ്തദിന ക്യാമ്പയിനോടനുബന്ധിച്ച് നടപ്പാക്കുന്ന അക്ഷര തുടിപ്പ് ക്യാമ്പയിന്‍ ഉദ്ഘാടനം ചെയ്തു സംസാരിക്കുകയായിരുന്നു അവര്‍. തുടര്‍ സാക്ഷരതാ പ്രവര്‍ത്തനം ഏറ്റെടുക്കാന്‍ തയ്യാറായ താനൂര്‍ ഗവ.കോളജിലെ അധ്യാപകരെയും വിദ്യാര്‍ഥികളെയും ഡയറക്ടര്‍ അഭിനന്ദിച്ചു. പരിപാടിയില്‍ പഠിതാക്കളായ ഖദീജ, രമേഷ് എന്നിവര്‍ക്ക് പാഠപുസ്തകം നല്‍കി താനാളൂര്‍ പഞ്ചായത്ത്തല പ്രവേശനോത്സവം ഡയറക്ടര്‍ നിര്‍വഹിച്ചു. മലപ്പുറം ഉള്‍പ്പെടെ അഞ്ച് ജില്ലകളിലാണ് പദ്ധതി നടപ്പാക്കുന്നത്. 2022 മാര്‍ച്ച് 31 ന് അവസാനിക്കുന്ന രീതിയിലാണ് പദ്ധതി വിഭാവനം ചെയ്തിരിക്കുന്നത്.
പരിപാടിയില്‍ താനാളൂര്‍ ഗ്രാമ പഞ്ചായത്ത് പ്രസിഡന്റ് കെ.എം. മല്ലിക അധ്യക്ഷയായി. സാക്ഷരത മിഷന്‍ ജില്ലാ കോര്‍ഡിനേറ്റര്‍ സി.അബ്ദുല്‍ റഷീദ് മുഖ്യ പ്രഭാഷണം നടത്തി. ഗ്രാമപഞ്ചായത്ത് അംഗങ്ങളായ കെ. ഫാത്തിമ ബീവി, കെ.വി, ലൈജു, ഷബ്‌ന ആഷിഖ്, പി. ജ്യോതി, സെക്രട്ടറി പി. രാംജിലാല്‍, സാക്ഷരതാ മിഷന്‍ ജില്ലാ അസി. കോര്‍ഡിനേറ്റര്‍ എം.മുഹമ്മദ് ബഷീര്‍, സാക്ഷരതാ സമിതി അംഗം മുജീബ്. താനാളൂര്‍, എസ് എം.യു.പി.സ്‌കൂള്‍ പ്രധാനാധ്യാപിക ഇ.പി.രാധാമണിയമ്മ, ഗവ.കോളജ് എന്‍.എസ്.എസ് പ്രോഗ്രാം ഓഫീസര്‍ എം.ആര്‍. കവിത, കോളജ് അധ്യാപിക പി.സിന്ധു, പ്രേരക് എ.വി. ജലജ എന്നിവര്‍ സംസാരിച്ചു.
കൂടുതല്‍ വായനയ്ക്ക്...
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !