കേരളത്തില് 966 പേര്ക്ക് കോവിഡ് സ്ഥിരീകരിച്ചു. കഴിഞ്ഞ 24 മണിക്കൂറിനിടെ 25,946 സാംപിളുകളാണ് പരിശോധിച്ചത്. സംസ്ഥാനത്തെ വിവിധ ജില്ലകളിലായി 22,834 പേരാണ് ഇപ്പോള് നിരീക്ഷണത്തിലുള്ളത്. ഇവരില് 22,053 പേര് വീട്/ഇന്സ്റ്റിറ്റ്യൂഷനല് ക്വാറന്റീനിലും 781 പേര് ആശുപത്രികളിലും നിരീക്ഷണത്തിലാണ്. 108 പേരെയാണു പുതുതായി ആശുപത്രിയില് പ്രവേശിപ്പിച്ചത്. നിലവില് 7536 കോവിഡ് കേസുകളില്, 9.6 ശതമാനം വ്യക്തികള് മാത്രമാണ് ആശുപത്രി/ഫീല്ഡ് ആശുപത്രികളില് പ്രവേശിപ്പിക്കപ്പെട്ടിട്ടുള്ളത്.
പോസിറ്റീവ് ആയവർ, ജില്ല തിരിച്ചുള്ള കണക്ക്
- എറണാകുളം 200
- തിരുവനന്തപുരം 130
- കൊല്ലം 102
- കോട്ടയം 102
- തൃശൂര് 74
- കോഴിക്കോട് 71
- ഇടുക്കി 67
- പത്തനംതിട്ട 65
- ആലപ്പുഴ 34
- കണ്ണൂര് 34
- മലപ്പുറം 34
- പാലക്കാട് 23
- വയനാട് 21
- കാസര്കോട് 9
കഴിഞ്ഞ 24 മണിക്കൂറിനിടെ അഞ്ചു മരണങ്ങളാണ് കോവിഡ് മൂലമാണെന്നു സ്ഥിരീകരിച്ചത്. ഇതുകൂടാതെ മുന് ദിവസങ്ങളില് മരണപ്പെടുകയും എന്നാല് രേഖകള് വൈകി ലഭിച്ചതു കൊണ്ടുള്ള ഏഴു മരണങ്ങളും സുപ്രീം കോടതി വിധിപ്രകാരം കേന്ദ്രസര്ക്കാരിന്റെ പുതിയ മാര്ഗനിര്ദേശമനുസരിച്ച് അപ്പീല് നല്കിയ 38 മരണങ്ങളും റിപ്പോര്ട്ട് ചെയ്തിട്ടുണ്ട്. ഇതോടെ സംസ്ഥാനത്തെ ആകെ മരണം 67,008 ആയി.
ഇന്ന് രോഗം സ്ഥിരീകരിച്ചവരില് 4 പേര് സംസ്ഥാനത്തിനു പുറത്ത് നിന്നും വന്നവരാണ്. 916 പേര്ക്കു സമ്പര്ക്കത്തിലൂടെയാണു രോഗം ബാധിച്ചത്. 42 പേരുടെ സമ്പര്ക്ക ഉറവിടം വ്യക്തമല്ല. 4 ആരോഗ്യ പ്രവര്ത്തകര്ക്കാണു രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 1444 പേര് രോഗമുക്തി നേടി. ഇതോടെ 7536 പേരാണു രോഗം സ്ഥിരീകരിച്ച് ഇനി ചികിത്സയിലുള്ളത്. 64,48,699 പേര് ഇതുവരെ കോവിഡില് നിന്നും മുക്തി നേടി.
രോഗമുക്തി നേടിയവര്, ജില്ല തിരിച്ചുള്ള കണക്ക്
- തിരുവനന്തപുരം 183
- കൊല്ലം 96
- പത്തനംതിട്ട 58
- ആലപ്പുഴ 72
- കോട്ടയം 212
- ഇടുക്കി 88
- എറണാകുളം 345
- തൃശൂര് 82
- പാലക്കാട് 22
- മലപ്പുറം 34
- കോഴിക്കോട് 61
- വയനാട് 77
- കണ്ണൂര് 85
- കാസര്കോട് 29
Content highlights: Kerala Covid Tally Daily Updates
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !