ചെന്നൈ: കോവിഡ് പ്രതിരോധത്തിന്റെ ഭാഗമായി തമിഴ്നാട്ടില് മാസ്ക് വീണ്ടും നിര്ബന്ധമാക്കി. മാസ്ക് ധരിക്കാത്തവരില് നിന്ന് 500 രൂപ പിഴയായി ഈടാക്കുമെന്ന് തമിഴ്നാട് ആരോഗ്യവകുപ്പ് അറിയിച്ചു.
രാജ്യത്ത് ഡല്ഹി ഉള്പ്പെടെ വിവിധ സംസ്ഥാനങ്ങളില് കോവിഡ് കേസുകള് ഉയര്ന്നുവരികയാണ്. കോവിഡ് പ്രതിരോധത്തിന്റെ ഭാഗമായാണ് തമിഴ്നാട്ടില് വീണ്ടും മാസ്ക് നിര്ബന്ധമാക്കിയതെന്ന് ആരോഗ്യവകുപ്പ് അറിയിച്ചു. നേരത്തെ കോവിഡ് കേസുകള് കുറഞ്ഞ പശ്ചാത്തലത്തില് പൊതുസ്ഥലത്ത് മാസ്ക് ധരിക്കുന്നത് നിര്ബന്ധമാക്കിയ ഉത്തരവ് പിന്വലിച്ചിരുന്നു. കോവിഡ് കേസുകള് ഉയര്ന്ന പശ്ചാത്തലത്തില് ഡല്ഹിയില് അടുത്തിടെ മാസ്ക് വീണ്ടും നിര്ബന്ധമാക്കിയിരുന്നു.
തമിഴ്നാട്ടില് വ്യാഴാഴ്ച 39 പേര്ക്കാണ് പുതുതായി കോവിഡ് സ്ഥിരീകരിച്ചത്. തൊട്ടുമുന്പത്തെ ദിവസം ഇത് 31 ആയിരുന്നു. ഐഐടി മദ്രാസില് കഴിഞ്ഞ ദിവസം ക്ലസ്റ്റര് കണ്ടെത്തിയിരുന്നു. ഒന്പത് വിദ്യാര്ഥികള്ക്കാണ് പുതുതായി കോവിഡ് കണ്ടെത്തിയത്.
Content Highlights: Rs 500 fine for not wearing mask Tamil Nadu tightens control
ഏറ്റവും പുതിയ വാർത്തകൾ:
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !