ഭാവനയുടെ മലയാള സിനമയിലേക്കുള്ള തിരിച്ചുവരവ് ചിത്രമായ 'ന്റിക്കാക്കാക്കൊരു പ്രേമണ്ടാര്ന്ന്' കൊടുങ്ങല്ലൂരില് ചിത്രീകരണം ആരംഭിച്ചു.
സിനിമയില് ഭാവനക്കൊപ്പം ഷറഫുദ്ധീന് പ്രധാന കഥാപാത്രമായുണ്ട്. ആദില് മൈമൂനത്ത് അഷ്റഫാണ് ചിത്രത്തിന്റെ സംവിധാനവും എഡിറ്റിംഗും നിര്വഹിക്കുന്നത്.
അരുണ് റുഷ്ദിയാണ് ചിത്രത്തിന്റെ ഛായാഗ്രഹണം. പോള് മാത്യൂസ്, നിശാന്ത് രാംടെകെ, ജോക്കര് ബ്ലൂസ് എന്നിവര് ചേര്ന്നാണ് സംഗീതം ഒരുക്കിയിരിക്കുന്നത്. വരികള് എഴുതുന്നത് വിനായക് ശശികുമാറും ആണ്. ശബ്ദലേഖനവും ഡിസൈനും ശബരിദാസ് തോട്ടിങ്കലും, സ്റ്റില്സ് രോഹിത് കെ സുരേഷുമാണ്.
ബോണ്ഹോമി എന്റര്ടൈന്മെന്റ്സിന്റെ ബാനറില് റെനീഷ് അബ്ദുള്ഖാദര് ചിത്രം നിര്മ്മിക്കുന്നു. ശ്യാം മോഹനാണ് എക്സിക്യൂട്ടീവ് പ്രൊഡ്യൂസര്. സംവിധായകന് ആദില് മൈമൂനാഥ് അഷ്റഫ് തന്നെയാണ് രചനയും. സംവിധായകന് തന്നെയാണ് .
ഭാവന വീണ്ടും മലയാള സിനിമയില് സജീവമാകുകയാണ്. ഭദ്രന് സംവിധാനം ചെയ്യുന്ന ചിത്രത്തിലും ഭാവന പ്രധാന കഥാപാത്രമാകുന്നുണ്ട്. ഭദ്രന്റെ 'ഇഒ' എന്ന ചിത്രത്തിലാണ് ഭാവന അഭിനയിക്കുന്നത് .ഷെയ്ന് നിഗം ആണ് ചിത്രത്തില് നായകനായി അഭിനയിക്കുന്നത്. 'ഇഒ എലിയാവൂ കോഹന്' എന്ന ജൂതനായിട്ടാണ് ഷെയ്ന് അഭിനയിക്കുന്നത്. ഗൗതം വാസുദേവ് മേനോനും ചിത്രത്തില് ഒരു പ്രധാന കഥാപാത്രമായി അഭിനയിക്കുന്നു. സുരേഷ് ബാബു ആണ് ചിത്രത്തിന്റെ തിരക്കഥയെഴുതുന്നത്.
Content Highlights: Bhavana's comeback movie started in Kodungallur
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !