കൊച്ചിക്ക് പഴയ കൊച്ചി ആയിരിക്കാനാണ് വിധി; പ്രതികരണവുമായി എംഎം മണി

തൃക്കാക്കര ഉപതെരഞ്ഞെടുപ്പിൽ എൽഡിഎഫിനേറ്റ പരാജയത്തിൽ പ്രതികരണവുമായി സിപിഎം നേതാവ് എംഎം മണി. കൊച്ചിക്ക് ആ പഴയ കൊച്ചി ആയിരിക്കാനാണ് വിധി എന്നായിരുന്നു എംഎം മണി ഫേസ്ബുക്കിൽ പ്രതികരിച്ചത്. തൃക്കാക്കര തെരഞ്ഞെടുപ്പ് പ്രചാരണത്തിൽ എംഎം മണി സജീവമായി ഉണ്ടായിരുന്നു

അതേസമയം എൽഡിഎഫ് സ്ഥാനാർഥി ജോ ജോസഫ് ഇതുവരെ പ്രതികരിക്കാൻ തയ്യാറായിട്ടില്ല. ജില്ലാ കമ്മിറ്റി ഓഫീസായ ലെനിൻ സെന്ററിലുണ്ടായിരുന്ന ഡോക്ടർ ജോ ജോസഫ് നാലാം റൗണ്ട് വോട്ടെണ്ണൽ കഴിഞ്ഞതിന് പിന്നാലെ ഓഫീസിൽ നിന്നുപോയി. അൽപ്പം കഴിഞ്ഞ് പ്രതികരിക്കാമെന്നായിരുന്നു ജോ ജോസഫിന്റെ പ്രതികരണം

അതേസമയം തൃക്കാക്കരയിൽ പടുകൂറ്റൻ വിജയത്തിലേക്കാണ് യുഡിഎഫ് എത്തിയിരിക്കുന്നത്. ഭൂരിപക്ഷം ഇരുപത്തിഅയ്യായിരവും കടന്ന് യുഡിഎഫ് സ്ഥാനാർഥി ഉമ തോമസ് മുന്നേറിയിരിക്കുന്നു.

Content Highlights: Kochi is destined to be the old Kochi; MM Money with response

ഏറ്റവും പുതിയ വാർത്തകൾ: