സ്‌പൈസ് ജെറ്റ് വിമാനത്തിന്റെ 50 ശതമാനം വിമാനങ്ങള്‍ക്ക് വിലക്കേര്‍പ്പെടുത്തി ഡയറക്ടര്‍ ജനറല്‍ ഓഫ് സിവില്‍ ഏവിയേഷന്‍.
സ്‌പൈസ് ജെറ്റിന്റെ 50 ശതമാനം ഫ്‌ളൈറ്റുകള്‍ എട്ട് ആഴ്ച്ചത്തേയ്ക്ക് നിരോധിച്ചു. എട്ട് ആഴ്ചയില്‍ സ്‌പൈസ് ജെറ്റ് വിമാനം നിരീക്ഷണത്തിലായിരിക്കും. വിമാനത്തില്‍ തുടര്‍ച്ചയായി സാങ്കേതിക തകരാറുകള്‍ ഉണ്ടാകുന്നതിനെ തുടര്‍ന്നാണ് നടപടി. എട്ട് ആഴ്ച്ചയ്ക്ക് ശേഷം വിലക്ക് പിന്‍വലിക്കണമെങ്കില്‍ അധിക ഭാരം വഹിക്കാനുള്ള ശേഷി വിമാനത്തിനുണ്ടെന്ന് സ്‌പൈസ് ജെറ്റ് തെളിയിക്കണം. കൂടാതെ സാങ്കേതിക തകരാറുകള്‍ റിപ്പോര്‍ട്ട് ചെയ്യാനും പാടില്ല.
അടുത്തിടെ ഡിജിസിഎ അധികൃതര്‍ സ്‌പൈസ് ജെറ്റ് വിമാനത്തില്‍ മിന്നല്‍ പരിശോധന നടത്തിയിരുന്നു. പരിശോധനയില്‍ തകരാറുകള്‍ ഒന്നും കണ്ടെത്തിയിരുന്നില്ല. ജൂലൈ ഒന്‍പത് മുതല്‍ 13 വരെ സ്‌പൈസ് ജെറ്റിന്റെ 48 വിമാനങ്ങളിലാണ് പരിശോധ നടത്തിയത്. സുരക്ഷാ വീഴ്ചകളൊന്നും കണ്ടെത്തിയിട്ടില്ലെന്ന് വ്യോമയാന സഹമന്ത്രി വി.കെ സിംഗ് തിങ്കളാ്ച രാജ്യസഭയില്‍ രേഖാമൂലം അറിയിച്ചു.18 ദിവസത്തിനകം എട്ട് തവണ സ്‌പൈസ് ജെറ്റ് വിമാനങ്ങളില്‍ സാങ്കേതിക തകരാര്‍ കണ്ടെത്തിയിരുന്നു. ഈ സാഹചര്യത്തിലാണ് ഡിജിസിഎയുടെ നടപടി. ജൂലൈ ആറിന് ഇതുസബന്ധിച്ച്‌ കമ്ബനിയ്ക്ക് ഡിജിസിഎ നോട്ടീസ് അയച്ചിരുന്നു.
Content Highlights: DGCA bans 50 percent of Spice Jet flights
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !