 |
| പ്രതീകാത്മക ചിത്രം |
കെ എസ് ആര് ടി സിക്ക് നഷ്ടം ഉണ്ടാക്കിയ ജീവനക്കാരില് നിന്നും തുക തിരിച്ചുപിടിക്കാന് ഉത്തരവ്. സര്വീസ് പുനഃക്രമീകരിച്ചതില് പ്രതിഷേധിച്ച് ഡ്യൂട്ടി ബഹിഷ്കരിച്ച് സര്വീസ് മുടക്കിയ ജീവനക്കാരില് നിന്നുമാണ് നഷ്ടത്തിന് ഇടയാക്കിയ തുക തിരിച്ച് പിടിക്കാന് കെ സ് ആര് ടി സി സി എം ഡി ഉത്തരവിറക്കിത്. നഷ്ടമുണ്ടാക്കിയ 111 ജീവനക്കാരുടെ ശമ്പളത്തില് നിന്നും 9,49,510 രൂപ അഞ്ച് തുല്യ ഗഡുക്കളായി തിരിച്ചു പിടിക്കാനാണ് നിര്ദേശം.
2022 ജൂണ് 26-ന് സര്വീസ് മുടക്കിയ പാപ്പനംകോട്, വികാസ് ഭവന്, സിറ്റി, പേരൂര്ക്കട ഡിപ്പോകളിലെ ജീവനക്കാരില് നിന്നാണ് നഷ്ടം തിരിച്ചു പിടിക്കാന് ഉത്തരവായത് . പാപ്പനംകോട് ഡിപ്പോയില്നിന്നും സര്വീസ് മുടക്കിയതിനെ തുടര്ന്ന് വരുമാന നഷ്ടമുണ്ടായ 1,35,000 രൂപ എട്ട് കണ്ടക്ടര്മാരില്നിന്ന് ഈടാക്കും. വികാസ് ഭവനിലെ സര്വീസ് മുടക്കിയ കാരണമുണ്ടായ നഷ്ടമായ 2,10,382 രൂപ പതിമൂന്ന് ഡ്രൈവര്മാരും, 12 കണ്ടക്ടര്മാരില് നിന്നും ഈടാക്കും. സിറ്റി യൂണിറ്റിലെ 17 കണ്ടക്ടര്മാരില് നിന്നും 11 ഡ്രൈവര്മാരില് നിന്നുമായി 2,74,050 രൂപയും പേരൂര്ക്കട ഡിപ്പോയിലെ 25 കണ്ടക്ടര്മാരില് നിന്നും 25 ഡ്രൈവര്മാരില് നിന്നുമായി 3,30,075 രൂപ തിരിച്ചു പിടിക്കാനുമാണ് ഉത്തരവായത്.
ഇതുകൂടാതെ 2021 ജൂലൈ 12ന് ഡ്യൂട്ടി നടത്തിപ്പില് പ്രതിക്ഷേധിച്ച് പാറശ്ശാല ഡിപ്പോയിലെ എട്ട് ജീവനക്കാര് ഡ്യൂട്ടിക്ക് ഹാജരാകാത്തതിനെ തുടര്ന്ന് സര്വീസ് റദ്ദാക്കിയതിനെ തുടര്ന്നുണ്ടായ നഷ്ടമായ 40,277 രൂപ എട്ട് ജീവനക്കാരില് നിന്നും തുല്യമായി തിരിച്ചു പിടിക്കാനും ഉത്തരവിട്ടു.
ഏറ്റവും പുതിയ വാർത്തകൾ:
Content Highlights: Ordered to recover Rs 9.5 Lakhs from the salaries of 111 KSRTC employees who incurred losses by not performing duty
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !