ഇപ്പോഴത്തെ 4ജി സിമ്മുകള് ഉപയോഗിച്ച് തന്നെ 5ജി നെറ്റ് വര്ക്ക് ഉപയോഗിക്കാന് കഴിയും
ഡല്ഹി: ഒക്ടോബര് 12 ന് 5ജി സേവനങ്ങള് ആരംഭിക്കുമെന്ന് പറഞ്ഞതിനു പിന്നാലെ 6ജി സേവനങ്ങള് പ്രഖ്യാപിച്ച് രംഗത്തെത്തിയിരിക്കുകയാണ് പ്രധാനമന്ത്രി നരേന്ദ്ര മോദി.
ദശാബ്ദത്തിന്റെ അവസാനത്തോടെ ഇന്ത്യയ്ക്ക് 6ജി ലഭിക്കുമെന്നാണ് പ്രധാനമന്ത്രി പറയുന്നത്. ആഴ്ചകള്ക്കകം 5ജി സേവനങ്ങള് ലഭ്യമാകുമെന്ന് ഉറപ്പാക്കിയതിന് ശേഷമാണ് 2030 ന് മുന്പ് 6ജി എത്തുമെന്ന പ്രഖ്യാപനം ശ്രദ്ധേയമാണ്. സ്മാര്ട് ഇന്ത്യ ഹാക്കത്തോണ് 2022 ഗ്രാന്ഡ് ഫിനാലെയെ അഭിസംബോധന ചെയ്ത് സംസാരിക്കവെയാണ് അദ്ദേഹം ഇക്കാര്യം അറിയിച്ചത്.
ഉപഭോക്താക്കള്ക്ക് താങ്ങാനാവുന്ന നിരക്കില് 5ജി സേവനങ്ങള് ഉറപ്പാക്കുമെന്നാണ് സര്ക്കാര് പറഞ്ഞിരിക്കുന്നത്. മികച്ച സേവനങ്ങള് ലഭ്യമാക്കാനുള്ള തിരക്കിലാണ് ടെലികോം കമ്ബനികളും.5ജി പ്ലാനുകള് പൊതുജനങ്ങള്ക്ക് മിതമായ നിരക്കില് ലഭ്യമാക്കാന് വേണ്ടതെല്ലാം ചെയ്യുമെന്ന് കേന്ദ്ര ഐടി മന്ത്രി അശ്വിനി വൈഷ്ണവ് പറഞ്ഞു.4ജിയെക്കാള് പത്തിരട്ടി വേഗതയായിരിക്കും 5ജിയ്ക്ക് ഉണ്ടാകുക.
പക്ഷേ 5ജി സപ്പോര്ട്ട് ചെയ്യുന്നവയില് മാത്രമേ ഈ സേവനം ലഭ്യമാകൂ. ഇപ്പോള് ഇറങ്ങുന്ന പല സ്മാര്ട്ട്ഫോണുകളിലും 5ജി കണക്ടിവിറ്റിയുണ്ട്. എന്നാല് എല്ലാവരുടെയും ഫോണില് 5ജിയുണ്ടോ എന്നത് സംബന്ധിച്ച വിവരങ്ങള് ലഭ്യമല്ല. ആന്ഡ്രോയിഡ് ഫോണ് സെറ്റിങ്സില് സിം ആന്ഡ് നെറ്റ്വര്ക്ക്സ് സൈറ്റിങ്സ് സന്ദര്ശിച്ചാല് പ്രിഫേര്ഡ് നെറ്റ്വര്ക്ക് ടൈപ്പ് ഓപ്ഷനില് 2ജി, 3ജി, 4ജി, 5ജി, എന്നിങ്ങനെയുള്ള ഓപ്ഷനുകള് കാണാം. ഫോണില് 5ജി കണക്റ്റിവിറ്റിയും കുറഞ്ഞത് 4ജി സിംകാര്ഡും ഉണ്ടെങ്കില് മാത്രമേ ഈ ലിസ്റ്റില് 5ജി കാണിക്കുകയുള്ളൂ. ഇപ്പോഴത്തെ 4ജി സിമ്മുകള് ഉപയോഗിച്ച് തന്നെ 5ജി നെറ്റ് വര്ക്ക് ഉപയോഗിക്കാന് കഴിയും.
Content Highlights: Prime Minister announced 6G before 5G
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !