ഡല്‍ഹി: കെ ടി ജലീലിന്റെ കശ്മീര്‍ പരാമര്‍ശത്തിനെതിരെ കേന്ദ്രമന്ത്രി അമിത് ഷായ്ക്ക് പരാതി കൊടുക്കുമെന്ന് ബിജെപി നേതാവ് പി കെ കൃഷ്ണദാസ്.
ജലീല്‍ പാകിസ്താന്‍ പ്രതിനിധിയായാണ് നിയമസഭയില്‍ ഇരിക്കുന്നത്. ജിഹാദി വോട്ട് കിട്ടാനാണ് ഇത്തരമൊരു പരാമര്‍ശം നടത്തിയത്.
ജലീലിന്റെ പരാമര്‍ശം സിപിഐഎമ്മിന്റെ നിര്‍ദേശ പ്രകാരമാണ്. ജലീലിന്റെ കശ്മീര്‍ സന്ദര്‍ശനം ദുരൂഹത നിറഞ്ഞതാണ്. ജലീലിന്റെ കൂടെ ഇരിക്കണമോ എന്ന് പ്രതിപക്ഷവും തീരുമാനിക്കണമെന്നും പി കെ കൃഷ്ണദാസ് വ്യക്തമാക്കി.
അതേസമയം ഇന്ത്യ ബഹുസ്വര സംസ്‌കാരത്തിന്റെ കളിത്തൊട്ടിലാണെന്നും മത വൈര്യത്തിന്റെ വിത്ത് പാകാന്‍ ഭരണകൂടം ശ്രമിക്കുന്നുവെന്ന് കെ ടി ജലീല്‍ എംഎല്‍എ. ഇന്നലെ ഡിവൈഎഫ്‌ഐ മലപ്പുറത്ത് സംഘടിപ്പിച്ച ഫ്രീഡം സ്ട്രീറ്റില്‍ പങ്കെടുത്ത് സംസാരിക്കുകയായിരുന്നു കെ.ടി ജലീല്‍. കശ്മീരിന്റെ പ്രത്യേക പദവി എടുത്ത് കളഞ്ഞ നിയമം ഐക്യം തകര്‍ക്കാന്‍ ലക്ഷ്യം വെച്ചുള്ളത്. പ്രതികരിക്കാന്‍ പോലും കോണ്‍ഗ്രസ് വിറങ്ങലിച്ചുവെന്നും കെ ടി ജലീല്‍ വിമര്‍ശിച്ചു.
Content Highlights: PK Krishnadas will file a complaint against Amit Shah on KT Jalil's controversial remarks
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !