തിരുവനന്തപുരം: വിവിധ മേളകളുടെ സമയക്രമം പൊതുവിദ്യാഭ്യാസ വകുപ്പ് പ്രഖ്യാപിച്ചു. ശാസ്ത്രോത്സവം സബ്ജില്ലാ,ജില്ലാ മത്സരങ്ങള് നവംബര് 5ന് മുമ്പ് നടത്തണം. സംസ്ഥാനതല മത്സരം നവംബര് 10, 11,12 തീയതികളിലായി എറണാകുളത്ത് നടക്കുമെന്നും മന്ത്രി വി ശിവന്കുട്ടി അറിയിച്ചു.
കലോത്സവത്തിന്റെ ഭാഗമായുള്ള സ്കൂള്തല മത്സരങ്ങള് ഒക്ടോബര് 19ന് മുമ്പ് നടത്തണം. സബ്ജില്ലാ, ജില്ലാ മത്സരങ്ങള് നവംബര് 30ന് മുമ്പ് സംഘടിപ്പിക്കണം. ജനുവരി മൂന്നു മുതല് ഏഴ് വരെ കോഴിക്കോടാണ് സ്കൂള് കലോത്സവം.
കായികമേള സ്കൂള്തലത്തില് ഒക്ടോബര് 12 നകം നടത്തണം. സബ്ജില്ലാ, ജില്ലാ മത്സരങ്ങള് നവംബര് 20ന് മുമ്പാണ് നടത്തേണ്ടത്. ഡിസംബര് 3 മുതല് 6 വരെ തിരുവനന്തപുരത്ത് സ്കൂള് കായിക സംഘടിപ്പിക്കും.
സ്പെഷ്യല് സ്കൂള് കലോത്സവത്തിന്റെ ഭാഗമായുള്ള ജില്ലാതല സ്ക്രീനിംഗ് ഒക്ടോബര് പത്തിന് മുമ്പ് നടത്തണം. ഒക്ള്ടോബര് 20,21, 22 തിയ്യതികളില് കോട്ടയത്താണ് സ്പെഷ്യല് സ്കൂള് കലോത്സവം സംഘടിപ്പിക്കുന്നത്. മേളകളുടെ കാര്യക്ഷമമായ സംഘാടനം ഉറപ്പുവരുത്തുമെന്ന് മന്ത്രി ശിവന്കുട്ടി അറിയിച്ചു.
ഏറ്റവും പുതിയ വാർത്തകൾ:
Content Highlights: School sports fair from December 3 in Thiruvananthapuram; Kalothsavam in Kozhikode from January 3rd
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !