ഡിസംബര് 17-ാം തീയതിയാണ് പെണ്കുട്ടിയെ തൂങ്ങി മരിച്ച നിലയില് കണ്ടെത്തിയത്. തുടര്ന്ന് കൊയിലാണ്ടി പൊലീസ് നടത്തിയ അന്വേഷണത്തിലാണ് ആത്മഹത്യാക്കുറിപ്പും മറ്റു വിവരങ്ങളും കണ്ടെത്തിയത്. ഇതിനു പിന്നാലെ വിശദമായ ചോദ്യം ചെയ്യൽ നടത്തി പ്രതിയെ പിടികൂടുകയായിരുന്നു.
പ്രായപൂര്ത്തിയാകുന്നതിന് മുന്പും 62കാരൻ പെണ്കുട്ടിയെ ലൈംഗികമായി ഉപദ്രവിച്ചിരുന്നതായാണ് അന്വേഷണത്തില് തെളിഞ്ഞത്. ഇതിനാലാണ് പോക്സോ വകുപ്പുകള് കൂടി ചുമത്തി കേസെടുത്തത്. പെണ്കുട്ടിയുടെ ആത്മഹത്യാക്കുറിപ്പിലും ഇതുസംബന്ധിച്ച ഞെട്ടിക്കുന്ന പരാമര്ശങ്ങളുണ്ടായിരുന്നു.
മാതാപിതാക്കള് എന്നോട് പൊറുക്കണം, വെറുക്കരുത്. എന്താണ് ചെയ്തതെന്ന് അമ്മയുടെ അച്ഛനോട് ചോദിക്ക് എന്നാണ് ആത്മഹത്യകുറിപ്പില് പറഞ്ഞിരുന്നത്. തുടര്ന്നാണ് പൊലീസ് ഇയാളെ ചോദ്യം ചെയ്തതും അറസ്റ്റ് ചെയ്തതും.
അറസ്റ്റിലായ പ്രതി കുറ്റം സമ്മതിച്ചതായി കൊയിലാണ്ടി എസ്എച്ച്ഒ എന് സുനില് കുമാര് വ്യക്തമാക്കി. പ്രതിയെ കഴിഞ്ഞ ദിവസം കോടതിയില് ഹാജരാക്കി റിമാന്ഡ് ചെയ്തു.
റൂറല് എസ്.പി. കറപ്പസാമിയുടെ നിര്ദേശപ്രകാരം ഡിവൈ.എസ്.പി. ഹരിപ്രസാദ്, സി.ഐ. എന്. സുനില്കുമാര്, എസ്.ഐ.മാരായ എം.എന്. അനൂപ്, ആര്. അരവിന്ദ് തുടങ്ങിയവരുടെ നേതൃത്വത്തിലുള്ള സംഘമാണ് കേസില് അന്വേഷണം നടത്തി പ്രതിയെ പിടികൂടിയത്.
ശ്രദ്ധിക്കുക:
ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ
സഹായം തേടുക, അതിജീവിക്കാൻ ശ്രമിക്കുക. വിളിക്കൂ 1056
ഏറ്റവും പുതിയ വാർത്തകൾ:
Content Highlights: Suicide is not the solution to anything, according to mental health professionals Seek help and try to survive. Call 1056
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !