വനിതാ ദിനത്തിൽ നറുക്കെടുപ്പു ചുമതല പൂർണമായും വനിതകൾക്ക് നൽകി ഭാഗ്യക്കുറി വകുപ്പ്.
തിരുവനന്തപുരം ഗോർഖി ഭവനിൽ നടന്ന ഫിഫ്റ്റി-ഫിഫ്റ്റി ഭാഗ്യക്കുറി നറുക്കെടുപ്പാണ് പൂർണമായും വനിതകളുടെ നേതൃത്വത്തിൽ നടത്തിയത്. വകുപ്പിലെ ജോയിന്റ് ഡയറക്ടർമായാ എൻ പിള്ളയുടെ മേൽനോട്ടത്തിലായിരുന്നു നറുക്കെടുപ്പ് പ്രക്രിയകൾ നടന്നത്.
തിരുവനന്തപുരം നഗരസഭ സ്റ്റാൻഡിങ് കമ്മിറ്റി ചെയർ പേഴ്സൺ സിന്ധ വിജയകുമാറിന്റെ അധ്യക്ഷതയിലുള്ള വിധികർത്താക്കളുടെ പാനലിലും വനിതകൾ മാത്രമായിരുന്നു ഉണ്ടായിരുന്നത്. നഗര സഭ കൗൺസിലർമാരായ നാജ , സൗമ്യ എൽ , ബാലരാമപുരം ഗ്രാമപഞ്ചായത്ത് അംഗം ഷീല കെ പി, അഭിഭാഷക ശ്രീദേവി ആർ,സിനിമാ സീരിയൽ താരം ആശ നായർ എന്നിവരായിരുന്നു പാനൽ അംഗങ്ങൾ.
ജില്ലാ ഭാഗ്യക്കുറി ഓഫീസർ സജിത വി എസ്, ഡയറക്ടറേറ്റിലെ ഉദ്യോഗസ്ഥരായ അശ്വനി എസ് നായർ, ശോഭ വി എസ്, താര ജി നായർ, സോനിഷ എം വി, ആൻസി അൽഫോൺസ്,ലീന റോബർട്ട്‌ ,ശ്രീകുമാരി എസ് എന്നിവരായിരുന്നു നറുക്കെടുപ്പിന്റെ ചുമതലയുണ്ടായിരുന്ന മറ്റു വനിതകൾ. നറുക്കെടുപ്പ് ലൈവിന്റെ നിർമ്മാണം സി ഡിറ്റിലെ ജീവ ജയദാസും അവതരണം ദേവിയും നിർവഹിച്ചു.
Content Highlights: Women's Day: Lottery department has given the task of drawing entirely to women
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !