തൃശൂര്: കൂര്ക്കഞ്ചേരിയില് നിന്ന് കാണാതായ മൂന്ന് വിദ്യാര്ത്ഥികളെ കണ്ടെത്തി. മഹാരാഷ്ട്രയിലെ പന്വേലില് നിന്നാണ് കുട്ടികളെ കണ്ടെത്തിയതെന്ന് പൊലീസ് അറിയിച്ചു. സ്ഥലത്തെ മലയാളികളാണ് കുട്ടികളെ തിരിച്ചറിഞ്ഞത്. നടപടിക്രമങ്ങള് പൂര്ത്തിയാക്കിയ ശേഷം നാട്ടിലെത്തിക്കുമെന്ന് പൊലീസ് പറഞ്ഞു.
കൂര്ക്കഞ്ചേരി ജെപിഇഎച്ച്എസ്എസിലെ ഒന്പതാം ക്ലാസ് വിദ്യാര്ഥികളെ ഇന്നലെ മുതലാണ് കാണാതായത്. കുട്ടികളെ കണ്ടെത്താനാവാത്തതിനെതിരെ പൊലീസിനെതിരെ രക്ഷിതാക്കള് രംഗത്തെത്തിയിരുന്നുയ ഒന്പതാം ക്ലാസുകാരായ ഒരു ആണ്കുട്ടിയെയും രണ്ട് പെണ്കുട്ടികളെയുമാണ് കാണാതായത്. ഇന്നലെ സ്കൂളിലേക്ക് പോയ കുട്ടികള് മടങ്ങിവന്നില്ല. വൈകുന്നേരമായിട്ടും കുട്ടികള് വീട്ടില് എത്താത്തതിനെത്തുടര്ന്ന് രക്ഷിതാക്കള് സ്കൂളിലെത്തുകയായിരുന്നു. അപ്പോഴാണ് മൂന്ന് കുട്ടികളെയും കാണാതായ വിവരം അറിഞ്ഞതെന്നും രക്ഷിതാക്കള് പറയുന്നു. രാത്രിയോടെ രക്ഷിതാക്കള് നെടുപുഴ പൊലീസില് പരാതി നല്കി.
കുട്ടികളില് ഒരാള് വീട്ടില് നിന്നും പണമെടുത്തിട്ടുണ്ടെന്ന് രക്ഷിതാക്കള് പൊലീസിനെ അറിയിച്ചിട്ടുണ്ട്. കുട്ടികളുടെ കൈയ്യില് ഫോണുണ്ടെങ്കിലും സ്വിച്ച് ഓഫ് ചെയ്ത നിലയിലാണെന്ന് പൊലീസ് അറിയിച്ചു. പരാതി നല്കി ഒരു ദിവസം പിന്നിട്ടിട്ടും പൊലീസ് കാര്യക്ഷമമായി അന്വേഷിച്ചിരുന്നില്ലെന്നാണ് രക്ഷിതാക്കളുടെ പരാതി.
ഏറ്റവും പുതിയ വാർത്തകൾ:
Content Highlights: Three children missing from Thrissur have been found in Maharashtra
ഏറ്റവും പുതിയ വാർത്തകൾ:
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !