പ്ലസ് വണ്‍: ട്രാന്‍സ്ഫര്‍ അലോട്‌മെന്റ്, പ്രവേശനം നാളെ മുതല്‍...

തിരുവനന്തപുരം|പ്ലസ് വൺ പ്രവേശനത്തിനായി സ്കൂളും വിഷയവും മാറാൻ (ട്രാൻസ്ഫർ അലോട്ട്മെൻ്റ്) അപേക്ഷിച്ച വിദ്യാർത്ഥികളെ ഉൾപ്പെടുത്തിയുള്ള അലോട്ട്മെൻ്റ് നാളെ (ജൂലൈ 25, 2025) രാവിലെ 10 മുതൽ പ്രസിദ്ധീകരിക്കും. വിദ്യാർത്ഥികൾക്ക് ഹയർസെക്കൻഡറി വകുപ്പിന്റെ പ്രവേശന വെബ്സൈറ്റായ hscap.kerala.gov.in ലെ 'ട്രാൻസ്ഫർ അലോട്ട്മെൻ്റ് റിസൾട്ട്' ലിങ്ക് വഴി  പരിശോധിക്കാവുന്നതാണ്.

പ്രവേശനം സംബന്ധിച്ച വിവരങ്ങൾ:

അലോട്ട്മെൻ്റ് ലഭിച്ചവർക്ക് നാളെ മുതൽ തിങ്കളാഴ്ച (ജൂലൈ 28, 2025) വൈകീട്ട് നാല് മണി വരെയാണ് പ്രവേശനത്തിനുള്ള സമയപരിധി.

അലോട്ട്മെൻ്റ് ലഭിച്ച വിദ്യാർത്ഥികൾ നിലവിൽ ചേർന്ന സ്കൂളിലെ പ്രിൻസിപ്പലിനെ സമീപിക്കണം. അലോട്ട്മെൻ്റ് ലെറ്ററിൻ്റെ പ്രിൻ്റ് സ്കൂളിൽ നിന്ന് ലഭിക്കും.

അതേ സ്കൂളിൽ മറ്റൊരു വിഷയത്തിലാണ് അലോട്ട്മെൻ്റ് ലഭിച്ചതെങ്കിൽ, സ്കൂൾ അധികൃതർ പ്രവേശനം ക്രമീകരിക്കും.

മറ്റൊരു സ്കൂളിൽ അലോട്ട്മെൻ്റ് ലഭിച്ചവർക്ക് ടി.സി, സ്വഭാവ സർട്ടിഫിക്കറ്റ്, പ്രവേശന സമയത്ത് സമർപ്പിച്ച മറ്റ് രേഖകൾ എന്നിവ നിലവിലെ സ്കൂൾ അധികൃതർ മടക്കി നൽകണം.

അതേ വിഷയത്തിൽ തന്നെയാണ് അലോട്ട്മെൻ്റ് ലഭിച്ചതെങ്കിൽ അധിക ഫീസ് നൽകേണ്ടതില്ല. എന്നാൽ, മറ്റൊരു സ്കൂളിൽ പുതിയ വിഷയത്തിലാണ് പ്രവേശനമെങ്കിൽ ആ വിഷയത്തിന് അധികമായി വരുന്ന ഫീസ് നൽകണം.

ആദ്യം ചേർന്ന സ്കൂളിൽ അടച്ച കോഷൻ ഡിപ്പോസിറ്റ്, പി.ടി.എ. ഫണ്ട് എന്നിവ നിർബന്ധമായും മടക്കിനൽകാൻ ഹയർസെക്കൻഡറി വകുപ്പ് പ്രിൻസിപ്പൽമാർക്ക് നിർദേശം നൽകിയിട്ടുണ്ട്.

അടുത്ത ഘട്ടം: ട്രാൻസ്ഫർ അലോട്ട്മെൻ്റിന് ശേഷം ബാക്കിവരുന്ന സീറ്റുകളിൽ ജൂലൈ 30-ന് മെറിറ്റ് അടിസ്ഥാനത്തിൽ തത്സമയ പ്രവേശനം നടത്തും. ഓരോ സ്കൂളിലും മിച്ചമുള്ള സീറ്റുകളുടെ വിശദാംശങ്ങൾ ജൂലൈ 29-ന് വെബ്സൈറ്റിൽ പ്രസിദ്ധീകരിക്കും.

ഈ വാർത്ത കേൾക്കാം

Content Summary: Plus One: Transfer allotment admissions from tomorrow

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

ഏറ്റവും പുതിയ വാർത്തകൾ: