ഗാന്ധി ജയന്തി: മുട്ടിൽ മണ്ഡലം കോൺഗ്രസ് കമ്മിറ്റി പുഷ്പാർച്ചനയും സ്മൃതി സംഗമവും നടത്തി

മുട്ടിൽ: രാഷ്ട്രപിതാവ് മഹാത്മാഗാന്ധിയുടെ 156-ാം ജന്മദിനം പ്രമാണിച്ച് മുട്ടിൽ മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ മുട്ടിൽ ടൗണിൽ പുഷ്പാർച്ചനയും ഗാന്ധി സ്മൃതി സംഗമവും നടത്തി.

മുട്ടിൽ മണ്ഡലം കോൺഗ്രസ് കമ്മിറ്റി പ്രസിഡൻ്റ് ജോയി തൊട്ടിത്തറ അധ്യക്ഷത വഹിച്ച ചടങ്ങിൽ, എ.ഐ.സി.സി. മെമ്പറും മുൻ എം.എൽ.എ.യുമായ എൻ.ഡി. അപ്പച്ചൻ ഗാന്ധി ജയന്തി ദിനാഘോഷം ഉദ്ഘാടനം ചെയ്തു.

സത്യത്തിനും അഹിംസയ്ക്കും വേണ്ടി നിലകൊണ്ട് രാജ്യത്തിന് സ്വാതന്ത്ര്യം നേടിക്കൊടുത്ത മഹാനാണ് മോഹൻദാസ് കരംചന്ദ് ഗാന്ധി എന്ന് എൻ.ഡി. അപ്പച്ചൻ ഉദ്ഘാടന പ്രസംഗത്തിൽ പറഞ്ഞു. അഹിംസയിലൂന്നിയ ചെറുത്തുനിൽപ്പിന്റെയും സമാധാനപരമായ മാർഗ്ഗങ്ങളിലൂടെ നീതി നേടുന്നതിൻ്റെയും പ്രതീകമായിരുന്നു ഗാന്ധിജി. "ലോകത്തിൽ നിങ്ങൾ കാണാൻ ആഗ്രഹിക്കുന്ന മാറ്റം നിങ്ങൾ ആയിരിക്കണം" എന്ന ഗാന്ധിജിയുടെ വാക്കുകൾ അദ്ദേഹം ഓർമ്മിപ്പിച്ചു. ഗാന്ധിജിയോടുള്ള ആദരസൂചകമായി ഐക്യരാഷ്ട്രസഭ ഇതേ ദിവസം അന്താരാഷ്ട്ര അഹിംസ ദിനമായി ആചരിക്കുന്ന കാര്യവും അദ്ദേഹം പരാമർശിച്ചു.

ഡി.സി.സി. ജനറൽ സെക്രട്ടറി ബിനു തോമസ് ജന്മദിന സന്ദേശം നൽകി. എം.ഒ. ദേവസ്യ, സുന്ദർ രാജ് എടപ്പെട്ടി, ഫൈസൽ പാപ്പിന, ശശി പന്നിക്കുഴി, കെ. പത്മനാഭൻ, ചന്ദ്രിക കൃഷ്ണൻ, സജി മണ്ഡലത്തിൽ, ലിറാർ, അന്ത്രു പരിയാരം തുടങ്ങിയവർ ചടങ്ങിൽ സംസാരിച്ചു.

ഈ വാർത്ത കേൾക്കാം

Content Summary: Gandhi Jayanti: Muttil Mandal Congress Committee held floral tributes and a memorial meeting

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

ഏറ്റവും പുതിയ വാർത്തകൾ: