വിസ് എയർ സർവീസുകൾ നവംബറിൽ അബുദാബിയിൽ പുനരാരംഭിക്കുന്നു; ടിക്കറ്റ് ബുക്കിംഗ് തുടങ്ങി

അബുദാബി: യു.എ.ഇ.യിലെ പ്രവർത്തനം താൽക്കാലികമായി അവസാനിപ്പിച്ച അൾട്രാ-ലോ-കോസ്റ്റ് കാരിയറായ വിസ് എയർ (Wizz Air) മാസങ്ങൾക്കുശേഷം അബുദാബിയിലേക്കുള്ള സർവീസുകൾ പുനരാരംഭിക്കുന്നു. അടുത്ത മാസം നവംബർ മുതൽ വിമാനങ്ങൾ വീണ്ടും പറന്നുയരും.

കുറഞ്ഞ നിരക്കിലുള്ള വിമാന ടിക്കറ്റുകളുടെ ബുക്കിങ് ഇപ്പോൾ ആരംഭിച്ചിട്ടുണ്ട്. വിസ് എയറിൻ്റെ വെബ്‌സൈറ്റിലെ വിവരങ്ങൾ അനുസരിച്ച്, നവംബർ 20-ന് പോളണ്ടിലെ കാറ്റോവിസ്, ക്രാക്കോവ് എന്നിവിടങ്ങളിൽ നിന്ന് യു.എ.ഇ. തലസ്ഥാനത്തേക്കുള്ള ആദ്യ വിമാനങ്ങളായിരിക്കും സർവീസ് നടത്തുക.

309 പോളിഷ് സ്ലോട്ടികൾ (ഏകദേശം 312 ദിർഹം) മുതലാണ് ടിക്കറ്റ് നിരക്ക് ആരംഭിക്കുന്നത്. ചെലവ് കുറഞ്ഞ യാത്രാസൗകര്യം വീണ്ടും ലഭ്യമാകുന്നതോടെ പ്രവാസികൾക്ക് ഇത് വലിയ ആശ്വാസമാകും.

നേരത്തെ, പ്രാദേശിക തലത്തിൽ ഉണ്ടായിരുന്ന വിസ് എയർ അബുദാബി സംയുക്ത സംരംഭം ഈ വർഷം സെപ്റ്റംബർ ഒന്നു മുതൽ പ്രവർത്തനങ്ങൾ നിർത്തിവെച്ചിരുന്നു. മേഖലയിലെ ഭൂമിശാസ്ത്രപരമായ വെല്ലുവിളികൾ, റെഗുലേറ്ററി പ്രശ്നങ്ങൾ, മറ്റ് ബജറ്റ് എയർലൈനുകളിൽ നിന്നുള്ള കടുത്ത മത്സരം എന്നിവയായിരുന്നു പ്രധാന കാരണങ്ങൾ.

കുറഞ്ഞ സമയത്തിനുള്ളിൽ അബുദാബിയിലേക്ക് പറക്കാൻ ഓൺലൈനിൽ ലഭ്യമായ ഏറ്റവും കുറഞ്ഞ നിരക്കുകളാണിതെന്നാണ് എയർലൈൻ അവകാശപ്പെടുന്നത്. മലയാളികളടക്കമുള്ള സാധാരണക്കാരായ പ്രവാസികൾ ഇതര രാജ്യങ്ങളിലേക്ക് വിനോദയാത്ര പോകാൻ ഈ ബജറ്റ് എയർലൈനെയാണ് ആശ്രയിച്ചിരുന്നത്.

ഈ വാർത്ത കേൾക്കാം

Content Summary: wizz air announces relaunch of low-cost services from abu dhabi international airport. 

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

ഏറ്റവും പുതിയ വാർത്തകൾ: