ദുബായ്: പ്രശസ്ത മാപ്പിളപ്പാട്ട് ഗായകനും പിന്നണിഗാനരംഗത്തെ സജീവ സാന്നിധ്യവുമായ നിസാർ വയനാട് (വയനാട് കമ്പളക്കാട്) ദുബായിൽ അന്തരിച്ചു. ഹൃദയാഘാതത്തെ തുടർന്നായിരുന്നു അന്ത്യം.
സംഗീത പരിപാടികൾക്കായി കഴിഞ്ഞ മാസമാണ് അദ്ദേഹം ദുബായിൽ എത്തിയത്. പനിയെ തുടർന്ന് ദേര മൻഖൂർ ആസ്റ്റർ ആശുപത്രിയിൽ ചികിത്സ തേടിയിരിക്കെ, ശനിയാഴ്ച വൈകീട്ടോടെയാണ് മരണം സംഭവിച്ചത്. സൗദിയിലും ദുബായിലുമായി നിരവധി പുതിയ സംഗീത അരങ്ങുകളിൽ അടുത്ത ദിവസങ്ങളിൽ പങ്കെടുക്കേണ്ടിയിരിക്കെയാണ് ഈ വേർപാട്.
ബോളിവുഡ് ഗായകൻ ഉദിത് നാരായണന്റെ ശബ്ദവുമായി ഏറെ സാദൃശ്യമുള്ള ആലാപന ശൈലിയിലൂടെ ഗാനമേള വേദികളിൽ ശ്രദ്ധേയനായിരുന്നു നിസാർ. മലയാളം, കന്നട ഉൾപ്പെടെ മൂന്ന് ഭാഷകളിൽ പിന്നണി പാടിയിട്ടുള്ള അദ്ദേഹം, 'പ്രൊഫസർ ഡിങ്കൻ' എന്ന മലയാള സിനിമയിലും ഗാനങ്ങൾ ആലപിച്ചിട്ടുണ്ട്. നിരവധി മാപ്പിളപ്പാട്ട് ആൽബങ്ങളിലും അഭിനയിച്ചിട്ടുണ്ട്.
കമ്പളക്കാട് ഇറോത്ത് വീട്ടിൽ ഇബ്രായിയുടെയും സൈനബയുടെയും മകനാണ്. ഭാര്യ: ഷഹാന നിസാർ. മൃതദേഹം നിലവിൽ ദേര മൻഖൂർ ആസ്റ്റർ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
Must Read: നിങ്ങളുടെ ജിമെയിൽ സന്ദേശങ്ങൾ ഗൂഗിൾ പരിശോധിക്കുന്നുണ്ടോ? ഗൂഗിളിന്റെ നയങ്ങളും സ്വകാര്യതയും അറിയാം
Content Summary: Singer Nisar Wayanad passes away in Dubai
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !