കോഴിക്കോട്: കോഴിക്കോട് ആനയാംകുന്ന് സ്കൂളില് പടര്ന്നത് എച്ച്1 എന് 1 എന്ന് സ്ഥിരീകരണം. മണിപ്പൂരിലെ വൈറോളജി ലാബിലെ റിപ്പോര്ട്ട് പുറത്തു വന്നു. പരിശോധിച്ചത് അഞ്ചു സാംപിളുകളാണ്. പനിപടര്ന്ന് 216 പേര്ക്കാണ്. ആശങ്ക വേണ്ടെന്നും വീടുകളില് വിശ്രമിക്കണമെന്നും ആരോഗ്യവകുപ്പ് നിര്ദേശം നല്കി.
കോഴിക്കോട് ആനയാംകുന്ന് മേഖലയില് 216 പേരാണ് ദിവസങ്ങള്ക്കുള്ളില് പനിക്ക് ചികിത്സ തേടിയത്. ഇന്ന് മാത്രം 34 പേര് ചികിത്സ തേടിയതായാണ് കണക്ക്. ആനയാംകുന്ന് ഹയര്സെക്കണ്ടറി സ്കൂളിലെ 163 കുട്ടികളും 13 അധ്യാപകരും പനിബാധിതരായതോടെയാണ് വിഷയം ആരോഗ്യ വകുപ്പിന്റെ ശ്രദ്ധയില് പെട്ടത്. തൊട്ടടുത്ത ഗവ. എല് പി സ്കൂള് വിദ്യാര്ത്ഥികളിലേക്കും പനി പടര്ന്നിട്ടുണ്ട്. ഇതോടെ സ്കൂളിന് രണ്ട് ദിവസം അവധി പ്രഖ്യാപിച്ചു. ഹയര്സെക്കണ്ടറി സ്കൂളിന് നേരത്തെ തന്നെ വെള്ളിയാഴ്ച വരെ അവധി നല്കിയിരുന്നു.
പനി പടരുന്ന സാഹചര്യത്തില് ആരോഗ്യ വകുപ്പ് നടപടികള് ശക്തമാക്കിയിട്ടുണ്ട്. അഡീഷണല് ഡിഎംഒയുടെ നേതൃത്വത്തില് പ്രദേശത്ത് പരിശോധന നടത്തിയ സംഘം നാളെ മെഡിക്കല് ക്യാമ്ബ് നടത്താനും തീരുമാനിച്ചു.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !