'വൺ നേഷൻ-വൺ റേഷൻ കാർഡ്' (ഒരു രാജ്യം ഒരു റേഷൻ കാർഡ്) സംവിധാനം സുഗമമാക്കുന്നതിനായി കേന്ദ്ര സർക്കാർ (മാർച്ച് 12) 'മേരാ റേഷൻ' എന്ന പേരിൽ ഒരു പുതിയ ആപ്പ് പുറത്തിറക്കിയത്. ഉപജീവനത്തിനായി മറ്റു സംസ്ഥാനങ്ങളിലേക്ക് കുടിയേറിപ്പാർക്കുന്ന റേഷൻ കാർഡ് ഉടമകൾക്ക് ഏറെ സഹായകരമാണ് പുതിയ മൊബൈൽ അപ്ലിക്കേഷൻ. തത്കാലം ആൻഡ്രോയിഡിൽ മാത്രമേ മേരാ റേഷൻ ആപ്പ് ഡൗൺലോഡ് ചെയ്ത് ഉപയോഗിക്കാൻ സാധിക്കൂ.
മേരാ റേഷൻ ആപ്പ് ഉപയോഗിച്ച്, ഗുണഭോക്താക്കൾക്ക് ഏറ്റവും അടുത്തുള്ള ന്യായമായ വിലക്കട മനസ്സിലാക്കാനും, അവകാശപ്പെട്ട ഭക്ഷ്യധാന്യ കണക്കുകൾ മനസ്സിലാക്കാനും, സമീപകാല ഇടപാടുകളുടെയും വിശദാംശങ്ങൾ പരിശോധിക്കാനും സാധിക്കും. നാഷണൽ ഇൻഫോർമാറ്റിക്സ് സെന്റർ (എൻഐസി) തയ്യാറക്കിയ ആപ്ലിക്കേഷൻ നിലവിൽ ഇംഗ്ലീഷ്, ഹിന്ദി ഭാഷകളിൽ ലഭ്യമാണ്. ഇതുകൂടാതെ കുടിയേറ്റക്കാർ കൂടുതലായി മാറുന്ന സ്ഥലങ്ങളെ അടിസ്ഥാനമാക്കി 14 വ്യത്യസ്ത ഭാഷകളിൽ ആപ്ലിക്കേഷൻ അധികം താമസമില്ലാതെ ഒരുങ്ങും.
മേരാ റേഷൻ ആപ്പ്: ഉപയോഗിക്കേണ്ടത് എങ്ങനെ?
മേരാ റേഷൻ ആപ്പ് ഫലപ്രദമായി ഉപയോഗിക്കേണ്ടതിന് ആദ്യം ഉപഭോക്താക്കൾ ആദ്യം അവരുടെ റേഷൻ കാർഡ് സജീവമാണോ എന്ന് പരിശോധിക്കേണ്ടതുണ്ട്. താമസിക്കുന്ന സംസ്ഥാനത്തെ ഫുഡ്, സിവിൽ സപ്ലൈസ് & ഉപഭോക്തൃ കാര്യ വകുപ്പിന്റെ വെബ്സൈറ്റ് വഴി ഇത് പരിശോധിക്കാം.
- ഗൂഗിൾ പ്ലേ സ്റ്റോറിലെ സേർച്ച് ബാറിൽ Mera Ration (CENTRAL AEPDS TEAM) ആപ്പ് സേർച്ച് ചെയ്യുക
- ഡൗൺലോഡ് ചെയ്തുകഴിഞ്ഞാൽ അപ്ലിക്കേഷൻ തുറന്ന് നിങ്ങളുടെ റേഷൻ കാർഡ് നമ്പർ നൽകി രജിസ്റ്റർ ചെയ്യണം
- രജിസ്റ്റർ ചെയ്യുന്നതിന്, രജിസ്ട്രേഷൻ ഓപ്ഷനിൽ ടാപ്പുചെയ്ത് നിങ്ങളുടെ റേഷൻ കാർഡ് നമ്പർ നൽകുക
- റേഷൻ കാർഡ് നമ്പർ നൽകിയ ശേഷം സബ്മിറ്റ് ബട്ടൺ അമർത്തിയാൽ രജിസ്ട്രേഷൻ പൂർത്തിയായി.
- 'Know your entitlement' ഓപ്ഷനിൽ ടാപ്പുചെയ്തുകൊണ്ട് നിങ്ങൾക്ക് നിങ്ങളുടെ അവകാശപ്പെട്ട ഭക്ഷ്യധാന്യ കണക്കുകൾ മനസ്സിലാക്കാൻ സാധിക്കും. അങ്ങനെ ചെയ്യുന്നതിന്, നിങ്ങളുടെ റേഷൻ കാർഡോ ആധാർ കാർഡ് നമ്പറോ നൽകേണ്ടതുണ്ട്.
ONORC (ഒരു രാജ്യം ഒരു റേഷൻ കാർഡ്) യോഗ്യത പരിശോധിക്കുന്നതിനും അപ്ലിക്കേഷൻ അനുവദിക്കുന്നു. യോഗ്യതാ മാനദണ്ഡം തിരഞ്ഞെടുത്ത് ആവശ്യമായ വിവരങ്ങൾ പൂരിപ്പിച്ചുകൊണ്ട് നിങ്ങൾക്ക് വിശദാംശങ്ങൾ പരിശോധിക്കാൻ കഴിയും.
സവിശേഷതകൾ, ആനുകൂല്യങ്ങൾ
രജിസ്റ്റർ ചെയ്തുകഴിഞ്ഞാൽ, അപ്ലിക്കേഷൻ തനിയെ നിങ്ങൾക്ക് അവകാശപ്പെട്ട ഭക്ഷ്യധാന്യങ്ങളുടെ കണക്ക് വ്യക്തമാക്കും. നാഷണൽ ഫുഡ് സെക്യൂരിറ്റി ആക്ട് (എൻഎഫ്എസ്എ) ഗുണഭോക്താക്കൾക്ക് അവരുടെ ഭക്ഷ്യധാന്യങ്ങളുടെ അവകാശം, കഴിഞ്ഞ ആറുമാസത്തെ ഇടപാടുകൾ, ആധാർ സീഡിങ്ങിന്റെ ഇപ്പോഴത്തെ സ്ഥിതി എന്നിവ പരിശോധിക്കാൻ കഴിയും. ഗുണഭോക്താവിന് ഇനി അവൾക്ക് എത്ര റേഷൻ ലഭിക്കുമെന്ന് എഫ്പിഎസ് ഡീലറോട് ചോദിക്കേണ്ടതില്ല, അർഹമായ സബ്സിഡികൾ അപ്ലിക്കേഷനിൽ നേരിട്ട് പരിശോധിക്കാം എന്നതിനാൽ കൂടുതൽ സുതാര്യത പുത്തൻ സംവിധാനം ഉറപ്പാക്കും.
"എൻഎഫ്എസ്എ ഗുണഭോക്താക്കൾക്ക് ഇടയിൽ 'ഒരു രാജ്യം ഒരു റേഷൻ കാർഡ്' സേവനങ്ങൾ, കുടിയേറ്റക്കാരായ ഗുണഭോക്താക്കൾക്ക് ആനുകൂല്യങ്ങൾ, ന്യായവില ഷോപ്പ് (FPS) എന്നിവയുടെ പ്രവർത്തനം സുഗമമാക്കുക എന്നതാണ് പുതിയ മൊബൈൽ അപ്ലിക്കേഷൻ ലക്ഷ്യം" എന്ന് സുധംശു പാണ്ഡെ, സെക്രട്ടറി, ഫുഡ് & പബ്ലിക് ഡിസ്ട്രിബൂഷൻ വിഭാഗം ആപ്പ് ലോഞ്ച് സമയത്ത് വ്യക്തമാക്കി.
Mera Ration mobile app launched today
— PIB India (@PIB_India) March 12, 2021
At present 32 States/UTs are covered under One Nation One Ration Card and integration of remaining 4 States/UTs is expected to be completed in next few months
Read more: https://t.co/NgQRe9C6zK pic.twitter.com/RK4dq8WAX0
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !