കൊച്ചി: നടിയെ ബലാത്സംഗം ചെയ്ത കേസില് നടന് വിജയ് ബാബു കണ്ടെത്താന് ഊര്ജിത ശ്രമമെന്ന് കൊച്ചി സിറ്റി പൊലീസ് കമ്മിഷണര് സി.എച്ച്.നാഗരാജു.
വിജയ് ബാബു നാളെ ഹാജരായില്ലെങ്കില് റെഡ് കോര്ണര് നോട്ടീസ് പുറപ്പെടുവിക്കുമെന്നും കൊച്ചി സിറ്റി പൊലീസ് കമ്മിഷണര് സി.എച്ച്.നാഗരാജു പറഞ്ഞു. വിജയ് ബാബു ഒളിവില് കഴിയുകയാണെന്ന് കണ്ടെത്തിയ ജോര്ജിയയിലെ എംബസിയുമായി പൊലീസ് ഇതിനകം ബന്ധപ്പെട്ടു കഴിഞ്ഞു.
പാസ്പോര്ട്ട് റദ്ദാക്കിയതിനാല് വിജയ് ബാബുവിനെ ഡീപോര്ട്ട് ചെയ്യുമെന്നാണ് കരുതുന്നത്. ആവശ്യമെങ്കില് പൊലീസ് സംഘം ജോര്ജിയയിലേക്ക് പോകുന്നതും പരിഗണനയില് ഉണ്ടെന്ന് കൊച്ചി സിറ്റി പൊലീസ് കമ്മിഷണര് സി.എച്ച്. നാഗരാജു പറഞ്ഞു. നേരത്തെ മെയ് 19-ന് പാസ്പോര്ട്ട് ഓഫീസര് മുന്പാകെ ഹാജരാകാമെന്ന് വിജയ് ബാബു അറിയിച്ചിരുന്നുവെങ്കിലും വിദേശത്ത് ഒളിവില് തുടരുകയായിരുന്നു.താന് ബിസിനസ് ടൂറിലാണെന്നും മെയ് 24ന് മാത്രമേ എത്തുകയുള്ളുവെന്നും വിജയ് ബാബു പാസ്പോര്ട്ട് ഓഫീസറെ അറിയിച്ചു. ഇതേ തുടര്ന്ന് പോലീസ് നടത്തിയ അന്വേഷണത്തിലാണ് വിജയ്ബാബു ജോര്ജിയയിലേക്ക് കടന്നതായി വിവരം ലഭിച്ചത്.
Content Highlights: Vijaybabu should appear tomorrow, otherwise Red Corner notice
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !