വളാഞ്ചേരി : പുറമണ്ണൂരിൽ ഇരിമ്പിളിയം പഞ്ചായത്ത് ആയുർവ്വേദ ഡിസ്പെൻസറിക്ക് നിർമ്മിച്ച പുതിയ കെട്ടിടം ആരോഗ്യ വകുപ്പ് മന്ത്രി വീണ ജോർജ്ജ് ഉദ്ഘാടനം ചെയ്തു.
പ്രൊഫ. ആബിദ് ഹുസൈൻ തങ്ങൾ എം.എൽ.എ അധ്യക്ഷത വഹിച്ചു.
എം.എൽ.എ നൽകിയ ശുപാർശയെ തുടർന്ന്
54,31000 രൂപ (അമ്പത്തിനാല് ലക്ഷത്തി മുപ്പത്തൊന്നായിരം രൂപ ) അനുവദിച്ചാണ് പുതിയ കെട്ടിടം നിർമ്മിച്ചത്.
ആയുഷ് വകുപ്പ് ഭാരതീയ ചികിത്സ സമ്പ്രദായം വാർഷിക പദ്ധതി 2019- 20 ൽ ഉൾപ്പെടുത്തിയാണ് പുറമണ്ണൂരിൽ പ്രവർത്തിക്കുന്ന ഡിസ്പെൻസറിക്ക് പുതിയ കെട്ടിടം നിർമ്മിച്ചത്.
ആയുർവ്വേദ ഡിസ്പെൻസറിക്ക് ഫണ്ടനുവദിക്കുന്നതിന് സർക്കാർ പദ്ധതികളിൽ ഉൾപ്പെടുത്തുന്നതിന് എം.എൽ.എ പ്രൊപ്പോസൽ നൽകുകയും ചോദ്യങ്ങളിലൂടെയും മറ്റും ഉന്നയിച്ച് നിരന്തരമായി നിയമസഭയുടെ ശ്രദ്ധയിൽപ്പെടുത്തുകയും ചെയ്തിരുന്നു. പഞ്ചായത്ത് പദ്ധതി വിഹിതത്തിൽ നിന്നും 6 ലക്ഷം രൂപയും ചെലവഴിച്ചിരുന്നു.
ചടങ്ങിൽ കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് വസീമ വേളേരി, ഇരിമ്പിളിയം ഗ്രാമ പഞ്ചായത്ത് പ്രസിഡന്റ് കെ. മാനുപ്പ മാസ്റ്റർ, കുറ്റിപ്പുറം ബ്ലോക്ക് പഞ്ചായത്ത്് ചെയർപേഴ്സൺ ആയിഷ ചിറ്റകത്ത് , ഗ്രാമ പഞ്ചായത്ത് വികസന സ്റ്റാന്റിംഗ് ചെയർമാൻ വി.ടി. അമീർ , പഞ്ചായത്ത് ക്ഷേമകാര്യ സ്റ്റാന്റിംഗ് ചെയർപേഴ്സൺ എൻ .ഖദീജ, ബ്ലോക്ക് പഞ്ചായത്ത് മെമ്പർ കെ.എം.അബ്ദുറഹിമാൻ, വാർഡ് മെമ്പർ ജസീന കെ.ടി, പഞ്ചായത്ത് മെമ്പർമാരായ കെ.ബാലചന്ദ്രൻ , ഷഫീദബേബി, അബൂബക്കർ, പഞ്ചായത്ത് സെക്രട്ടറി എം.എസ്. ശ്രീലത, അഹമ്മദ് കുട്ടി പൊറ്റയിൽ, പി. ഷമീം മാസ്റ്റർ, എ.വി. അബ്ബാസ് , ബാലസുബ്രഹമണ്യൻ , മമ്മു പാലൊളി , മുഹമ്മദ് കുട്ടി, ടി.എം. പുറമണ്ണൂർ, മെഡിക്കൽ ഓഫീസർമാരായ ഡോ. സെല്ല ഡേവിഡ് ,എം.എം. കബീർ, ഡോ.ഫിബി മോൾ , ഡോ.സന്ധ്യ എന്നിവർ സംസാരിച്ചു
ഏറ്റവും പുതിയ വാർത്തകൾ:
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !