തമിഴ്‌നാട്ടില്‍ റോഡരികില്‍ മലയാളികള്‍ മരിച്ച നിലയില്‍; കൊലപാതകമെന്ന് പൊലീസ്

പ്രതീകാത്മക ചിത്രം 

ചെന്നൈ: തമിഴ്നാട്ടിലെ ധര്‍മപുരിയില്‍ രണ്ട് മലയാളികളെ ദുരൂഹസാഹചര്യത്തില്‍ മരിച്ച നിലയില്‍ കണ്ടെത്തി. എറണാകുളം സ്വദേശി ശിവകുമാര്‍, സുഹൃത്ത് തിരുവനന്തപുരം സ്വദേശി നെവിന്‍ എന്നിവരാണ് മരിച്ചത്.

സംഭവസ്ഥലത്ത് നിന്ന് കിട്ടിയ തിരിച്ചറിയല്‍ രേഖകളുടെ അടിസ്ഥാനത്തിലാണ് ഇവരെ തിരിച്ചറിഞ്ഞത്.

അതിയമ്മന്‍ കോട്ടയ്ക്ക് സമീപമുള്ള വനപ്രദേശത്തെ റോഡരികിലാണ് ഇരുവരുടെയും മൃതദേഹം കണ്ടെത്തിയത്. കൊലപാതകമാണെന്നാണ് പൊലീസിന്റെ പ്രാഥമിക നിഗമനം. എന്നാല്‍ നിലവിലെ സാഹചര്യത്തില്‍ ഇക്കാര്യം ഉറപ്പിച്ച്‌ പറയാനാകില്ലെന്ന നിലപാടിലാണ് പൊലീസ്. സംഭവത്തില്‍ തമിഴ്നാട് പൊലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.

Content Highlights: Malayalees lying dead on the road in Tamil Nadu; The police called it murder

ഏറ്റവും പുതിയ വാർത്തകൾ: