ഓണത്തിനൊപ്പം ദസറ, ദീപാവലി ആഘോഷങ്ങളും വരാനിരിക്കെ വിമാനടിക്കറ്റ് നിരക്ക് കുത്തനെ ഉയരുമെന്നതില് പ്രവാസികള്ക്ക് ആശങ്ക. ഒക്ടോബറോടെ നിരക്ക് ഇരട്ടിയാകുമെന്നാണ് റിപ്പോര്ട്ട്. എല്ലാ വര്ഷവും ഉത്സവ സീസണുകളില് ടിക്കറ്റ് നിരക്ക് പതിന്മടങ്ങ് വര്ദ്ധിപ്പിക്കുകയെന്ന ശീലമാണ് വിമാനക്കമ്പനികള് പിന്തുടരുന്നത്. യാത്രക്കാരുടെ എണ്ണം കൂടിയാലും ഈ കാലയളവിനിടയില് വിമാന സര്വീസുകള് കൂട്ടാന് സാധ്യതയില്ലാത്തതും ടിക്കറ്റ് നിരക്കുയരാന് കാരണമാകും. ഒക്ടോബറില് നാട്ടിലേക്കും തിരിച്ചുമുള്ള യാത്രകള് ആലോചിക്കുന്നവര് പരമാവധി നേരത്തെ തന്നെ ടിക്കറ്റ് ബുക്ക് ചെയ്യുകയാണ്. അവസാന നിമിഷം യാത്ര തീരുമാനിക്കുന്നവര്ക്ക് തീവിലയ്ക്ക് ടിക്കറ്റ് എടുക്കേണ്ടി വരുമെന്നത് ഉറപ്പ്.
ഉത്സവ സീസണിന് മുന്നോടിയായി പ്രധാന സ്ഥലങ്ങളിലേക്കുള്ള ബുക്കിങ് അന്വേഷണങ്ങള് ലഭിച്ചു തുടങ്ങിയതായി ട്രാവല് ഏജന്റുമാര് പറയുന്നു. ടിക്കറ്റ് ബുക്കുചെയ്യുന്നതിനൊപ്പം ഹോട്ടല് ബുക്കിങുകളും വര്ധിച്ചു. പൊതുവെ ഉത്തരേന്ത്യയില് നിന്ന് യുഎഇയിലേക്ക് വരുന്ന വിനോദ സഞ്ചാരികളുടെ എണ്ണം വര്ദ്ധിക്കുന്ന സമയാണിത്.
സാധാരണക്കാരെ കൊള്ളയടിക്കുന്ന നിലപാടാണ് വിമാനക്കമ്പനികള് തുടരുന്നത്. ഒരു കുടുംബം നാട്ടിലേക്ക് വന്നുപോകുന്നതിന് ലക്ഷങ്ങളുടെ ചിലവാണ്. കുടുംബത്തിലെ നാലുപേര്ക്കും കൂടി ഒന്നരലക്ഷത്തിനു മുകളില് തുക ചിലവഴിക്കേണ്ട അവസ്ഥ. പലരും തിരിച്ചുള്ള ടിക്കറ്റ് ബുക്ക് ചെയ്തിരിക്കുന്നത് കടം വാങ്ങിയ തുക കൊണ്ടാണ്. പ്രവാസികളായ മലയാളികള് ഓണം ആഘോഷിക്കുകയാണെങ്കില് അത് ഗള്ഫില് തന്നെ സംഘടിപ്പിക്കുന്നതായിരിക്കും നല്ലതെന്നാണ് ഇപ്പോഴത്തെ സാഹചര്യങ്ങള് പറയുന്നത്. ഓണം ആഘോഷിക്കുവാന് വേണ്ടി നാട്ടിലെത്തിയാല് ചിലപ്പോള് തിരിച്ചുപോക്ക് വൈകിയേക്കും.
Content Highlights: Onam: Non-residents are worried about the increase in air ticket prices
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !