മുംബൈ: നടിയും മോഡലുമായ പൂനം പാണ്ഡേ (32) അന്തരിച്ചു. സെര്വിക്കല് കാന്സറിനെ തുടര്ന്നായിരുന്നു അന്ത്യം. പൂനത്തിന്റെ ഔദ്യോഗിക ഇൻസ്റ്റഗ്രാം അക്കൗണ്ടിലൂടെയാണ് മരണവിവരം പുറത്തുവിട്ടത്.
വ്യാഴാഴ്ച രാത്രി ഉത്തര്പ്രദേശിലെ വസതിയിലായിരുന്നു അന്ത്യമെന്നും നടിയുടെ മാനേജര് മരണവാര്ത്ത സ്ഥിരീകരിച്ചുവെന്നും ദേശീയ മാധ്യമങ്ങള് റിപ്പോര്ട്ട് ചെയ്തു.
മോഡലിംഗിലൂടെ പ്രശസ്തയായ പൂനം ഉത്തര്പ്രദേശിലെ കാണ്പൂരിലാണ് ജനിച്ചത്. 2010ല് നടന്ന ഗ്ലാഡ്രാഗ്സ് മാന്ഹണ്ട് ആന്ഡ് മെഗാമോഡല് മത്സരത്തിലെ ആദ്യ ഒന്പതു സ്ഥാനങ്ങളിലൊന്നില് ഇടംനേടിയതോടെ ഫാഷന് മാസികയുടെ മുഖചിത്രമായി.
2013 ല് പുറത്തിറങ്ങിയ നഷ എന്ന ഹിന്ദി ചിത്രത്തിലൂടെയായിരുന്നു സിനിമയിലേയ്ക്കുള്ള അരങ്ങേറ്റം. ലൗ ഈസ് പോയിസണ്, അദാലത്ത്, മാലിനി ആൻഡ് കോ, ആ ഗയാ ഹീറോ, ദ ജേണി ഓഫ് കര്മ തുടങ്ങി കന്നട, ഹിന്ദി, തെലുങ്ക് ഭാഷകളിലായി പത്തോളം സിനിമകളില് അഭിനയിച്ചിട്ടുണ്ട്.
സമൂഹമാധ്യമങ്ങളിലെ വിവാദങ്ങളിലൂടെയാണ് പൂനം കൂടുതൽ പ്രശസ്തയായത്. 2011-ലെ ക്രിക്കറ്റ് ലോകകപ്പ് ഇന്ത്യന് ടീം സ്വന്തമാക്കുകയാണെങ്കില് നഗ്നയായി പ്രത്യക്ഷപ്പെടുമെന്ന് ഇവര് പ്രഖ്യാപിച്ചിരുന്നു.
ഇന്ത്യ ലോകകപ്പ് നേടിയെങ്കിലും പൊതുജനങ്ങളില് നിന്നും ബിസിസിഐയില് നിന്നും എതിര്പ്പുണ്ടായതിനെത്തുടര്ന്ന് പദ്ധതി ഉപേക്ഷിക്കുകയായിരുന്നു.
തുടർന്ന് 2012-ലെ ഐപിഎല് അഞ്ചാം പതിപ്പില് കൊല്ക്കത്ത നൈറ്റ് റൈഡേഴ്സ് വിജയികളായപ്പോള് പൂനം പാണ്ഡെ തന്റെ നഗ്നചിത്രങ്ങള് ഇൻസ്റ്റഗ്രാമിൽ പോസ്റ്റുചെയ്തിരുന്നു.
2020ൽ പൂനം തന്റെ ദീർഘകാല സുഹൃത്തായിരുന്ന സാം ബോംബെ എന്ന വ്യവസായിയെ വിവാഹം ചെയ്തെങ്കിലും 2021ൽ ഇവർ വിവാഹമോചിതരായി.
Read Also: എന്താണ് ഗര്ഭാശയ മുഖ കാൻസര്? ഈ ലക്ഷണങ്ങള് അറിയുക! തടയാനുള്ള മാര്ഗങ്ങളും അറിയാം... | Explainer
Content Summary: Actress and model Poonam Pandey passes away
മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !