ബഹ്‌റൈനിൽ നിന്ന് കോഴിക്കോട്ടേക്കുള്ള വിമാനയാത്രക്കിടെ യുവാവ് കുഴഞ്ഞുവീണ് മരിച്ചു. മലപ്പുറം പുത്തനത്താണി പുന്നത്തല സ്വദേശി മുഹമ്മദ് അഫ്സൽ (27) ആണ് ചൊവ്വാഴ്ച ഉച്ചയോടെ വിമാനത്തിൽ വെച്ച് മരണപ്പെട്ടത്.
ബഹ്‌റൈനിൽ നിന്ന് കോഴിക്കോട്ടേക്ക് പോവുകയായിരുന്ന വിമാനത്തിൽ വെച്ചാണ് അഫ്സലിന് ദേഹാസ്വാസ്ഥ്യം അനുഭവപ്പെടുകയും തുടർന്ന് കുഴഞ്ഞുവീഴുകയുമായിരുന്നു. വിമാനം കോഴിക്കോട് വിമാനത്താവളത്തിലിറക്കിയ ഉടൻ തന്നെ അദ്ദേഹത്തെ അടുത്തുള്ള സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
രണ്ട് മാസം മുമ്പാണ് അഫ്സൽ ബഹ്‌റൈനിൽ കോൾഡ് സ്റ്റോർ ജീവനക്കാരനായി ജോലിക്ക് എത്തിയത്. ദിവസങ്ങൾക്ക് മുൻപ് പനി ബാധിച്ചതിനെത്തുടർന്ന് ഒരു സ്വകാര്യ ക്ലിനിക്കിൽ ചികിത്സ തേടിയിരുന്നു. ആരോഗ്യനിലയിൽ കാര്യമായ പുരോഗതിയില്ലാത്തതിനാൽ തുടർചികിത്സകൾക്കായാണ് അഫ്സൽ നാട്ടിലേക്ക് മടങ്ങിയത്. മുഹമ്മദാണ് പിതാവ്, ആമിന മാതാവും. ഹാജറ, തസ്നീമ, ഉമ്മുകുൽസു എന്നിവരാണ് സഹോദരിമാർ.
ഈ വാർത്ത കേൾക്കാം
Content Summary: A young man died after collapsing on a plane while traveling home from Bahrain.
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !